பழையவலம் அரசு உயர்நிலைப்பள்ளியில் பள்ளி மேலாண்மை குழுக் கூட்டம்: மாவட்ட முதன்மைக் கல்வி அலுவலர் பங்கேற்பு

திருவாரூர், பிப். 06 - 2026

     திருவாரூர் மாவட்டம், பழையவலம் அரசு உயர்நிலைப்பள்ளியில் பள்ளி மேலாண்மை குழுக் கூட்டம் (SMC) மிகச் சிறப்பாக நடைபெற்றது. இக்கூட்டத்திற்கு திருவாரூர் மாவட்ட முதன்மைக் கல்வி அலுவலர் சுகப்பிரியா அவர்கள் நேரில் வருகை தந்து, பள்ளி மேம்பாடு குறித்து மேலாண்மை குழு உறுப்பினர்களுடன் விரிவான கலந்துரையாடலை மேற்கொண்டார்.

*கூட்டத்தின் முக்கிய அம்சங்கள்:*

📚👉*மாணவர் நலம்:* 

மாணவர்களின் கற்றல் திறன் முன்னேற்றம் மற்றும் அவர்களுக்கு அளிக்கப்படும் சிறப்புப் பயிற்சிகள் குறித்து முதன்மை கல்வி அலுவலர் ஆய்வு செய்தார்.

📚👉*பாதுகாப்பு விழிப்புணர்வு:* பெண் குழந்தைகளின் பாதுகாப்பு, பாலியல் துன்புறுத்தல்களுக்கு எதிரான விழிப்புணர்வு மற்றும் குழந்தை திருமணத் தடை குறித்து விழிப்புணர்வு உரையாற்றினார்.

📚👉 *தொழில்நுட்பக் கல்வி:* 'மணக்கேணி' செயலி (App) மூலமாக கல்வி சார்ந்த வீடியோக்களைப் பதிவிறக்கம் செய்து மாணவர்கள் பயன்படுத்துவதை உறுதி செய்ய வலியுறுத்தினார்.

📚👉*பள்ளி மேம்பாடு:* பள்ளியின் வளர்ச்சிக்கு மேலாண்மை குழுவின் பங்களிப்பு மற்றும் உயர்கல்வி சார்ந்த வழிகாட்டுதல்கள் பற்றி விரிவாக எடுத்துரைத்தார்

🟩👉 *முக்கிய நிகழ்வுகள்:*
நிகழ்வின் தொடக்கமாக ஆசிரியர் பிரதிநிதி பா.கிருத்திகா அனைவரையும் வரவேற்றுப் பேசினார். பள்ளியின் தலைமை ஆசிரியர் மீனா சாமிநாதன் தலைமையுரையாற்றுகையில், பள்ளி மேலாண்மை குழுவின் செயல்பாடுகள் மற்றும் பள்ளியின் வளர்ச்சிக்கு அவர்கள் அளிக்கும் ஒத்துழைப்பிற்கு நன்றி தெரிவித்தார்.திறன் மாணவர்களுடைய கற்றல் அடைவு பற்றி அவர்களின் முன்னேற்றம் குறித்து கலந்துரையாடினார்.

மேலும், வரும் பிப்ரவரி 18-ம் தேதி அன்று பள்ளியின் முப்பெரும் விழா மற்றும் ஆண்டு விழா நடத்துவது குறித்து தீர்மானிக்கப்பட்டது. இதற்கான திட்டமிடல் மற்றும் ஒருங்கிணைப்பு பணிகளை சமூகவியல் ஆசிரியர் மு.நாகநாதன், தமிழாசிரியர் மு.மஞ்சுளா, மற்றும் கணித ஆசிரியர் ச.கௌரிமீரா ஆகியோர் முன்னின்று மேற்கொண்டனர்.

கூட்டத்தின் நிறைவாக, உடற்கல்வி ஆசிரியர் கோ.செந்தில் நன்றி உரை நிகழ்த்தினார். இக்கூட்டத்தில் பள்ளி மேலாண்மை குழுத் தலைவர், துணைத் தலைவர் மற்றும் உறுப்பினர்கள் திரளாகக் கலந்து கொண்டனர்.

வாரந்தோறும் வெள்ளிக்கிழமை நடைபெறும் கூட்டு உடற்பயிற்சி நிகழ்வினை பள்ளிக்கு வருகை தந்திருந்த முதன்மைக் கல்வி அலுவலர் அவர்கள் பார்வையிட்டு பாராட்டி சென்றார்.